Beləliklə, hər üç videoda yalnız kapsul formasında olan dərmanlardan mismar və ya iynə çıxmış olur. Birinci videoda kaset qutudan çıxarılır və kapsul oradan qoparılır. Sanki bilirmiş kimi məhz həmin kapsuldan mismar çıxır. Videoda digər dərmanların açılması göstərilmir. 

İkinci videoda da eyni ilə prosedur təkrarlanır. Bu dəfə isə video müəllifi digər bir kapsulu da açır və oradan dərman tökülür. 

Üçüncü videoda isə fakt artıq məlum olduqdan sonra görüntülər çəkilib. Belə ki, danışıqdan məlum olur ki, onlar əvvəlcə iynələri aşkar ediblər və sonra iynələri kapsula qoyaraq video çəkiblər. 

Videoların qondarma olmasını göstərən məqamlar: 

1. Hər üç videoda qapaqlı kapsulların olması. Belə kapsulları rahat açıb içinə nə istəsən yerlədirmək olar. 

2. Hər üçün videoda kasetin üz tərəfi göstərilmir. Səbəb isə dərmanın çıxdığı yuvanın üz tərəfdən kəsilərək çıxarılması və içinin mismarla doldurulub yerinə qaytarılmasıdır. Tamaşaçıda isə belə fikir yaranır ki, dərman kasetdən elə indicə çıxarılıb. 

3. Belə dərmanlar konveyer istehsalına əsaslanır və buna görə onların hansındasa yad cisimlərin olması istisna edilir. 

Belə videoların çəkilməsində məqsəd sadəcə internetdə qeyri-adilik yaratamq, sensasiya effekti doğurmaq, müzakirələrə yol açmaqdır. 

ElMedia