WhatsApp elan etdiyi yeni gizlilik siyasəti və istifadə qaydalarından sonra istifadəçilərin narazılığını nəzərə alaraq yenilənməni mayın 15-nə qədər təxirə salıb.
Buna qədər isə yenilik fevralın 8-dən qüvvəyə minməli idi. Bu tarixdə qaydaları qəbul etməyənlər tətbiqdən istifadə edə bilməyəcəkdilər.
Yeniliyə görə, mesencer istifadəçisi özü haqda məlumatları Facebook-un digər xidmətləri ilə bölüşməyə razılıq verməlidir. Əks təqdirdə o, WhatsApp-dan istifadə edə bilməyəcək.
İnsanlar isə bunu təhlükəsizliklərinə bir təhdid görərək kütləvi şəkildə WhatsApp-dan imtina etməyə başladı. Artıq bir çoxları Telegram, Viber və Signal kimi mesencerlərə üz tutub.
ElMedia